خواطر
يوو _ مهاد أحمد
كلنا بنغلط ماف زول معصوم من الغلط
لكن بتتفاوت درجات الغلط
وبختلفوا الأشخاص في أنه يعالجوا اغلاطهم
في النوع البيغلط وبيتدارك غلطه وبيعتذر
ودا الإنسان الواعي والطبيعي
وفي البستنكر فعلته ودا بيضرب فيه مثلنا السوداني
( الشينة منكورة)
النوع دا سيئ جدآ
لأنه لا بيعتذر ولا ضميرو بيأنبو ولا حايتوقف عن تكرار الغلط
لأنه بيكذب ويصدق كذبه
انه هو لا غلط ولا أذى اي شخص بعمايلوا أو بكلامو
لو اتصدمتوا في الشخصية دي ولو بالغلط
ما ترجعوا تتعاملوا معاهو نهائيا
لأنه حايستهلك كل طاقتك وحايدمرك نفسيا وانت بتحاول تعدل منو أو تتعامل مع أفعاله
أفضل حاجة تعملها معاهو
( ابعد تسلم)….!